Ehsaas by Swati

Namaste/ Hello doston! Kuch log aksar dusron ki zindagi roopi kitab ko bade shauk se padhte hain, par unhein kabhi apne andar jami dhool nazar nahi aati. Aaj ke mere ye ehsaas, insaano ki isi fitrat ke naam... Khud ki khidkiyan band karke, Dusron ke gharon mein jhaankta hai; Apna kad chhota sahi, par auron ki height maapta hai, Insaan bhi kitna dogla hai... Kehta khud ko charitrawan, par sab par buri nazar rakhta hai, Apne gunaahon ko chhupaye, sabke kirdaar taar-taar karta hai, Insaan bhi kitna dogla hai... Moti, chhoti, kala, gora... kitne naam rakhta hai, Par baat jab khud pe aaye, toh baat palatta hai, Insaan bhi kitna dogla hai... Meethi zubaan, par dil mein badla rakhta hai, Girgit bhi hairaan ho jaye, aise rang badalta hai, Insaan bhi kitna dogla hai... Aapko meri aaj ki ye poem kaisi lagi? Comment kar ke jaroor btayein. Aur meri pichhli poem "Nayi Udaan: A Journey of Self-confidence" padhne ke liye neeche diye hue link par click karein: https://ehsaasbyswati.blogspot....

  Namaskar doston, Aaj ke mere ye ehsaas ek umeed hai—un khwaabon ko pura karne ki jo log dar se shayad dekhna hi bhool jaate hain. Ye poem un sabhi ke liye hai jo us darr ko peeche chhod kar, apne sapno ke aasmaan mein ek 'Nayi Udaan' bharna chahte hain. Chaliye to fir, saath udte hain is naye safar par... Wo aazaadi bhari saans, Wo sukoon bhara ehsaas, Wo har baat mein aatm-vishwaash... Lagta hai, toota hai phir koi ek pinjra! Uda hai phir ek parinda, Apni nayi dagar dhoondhne... Zamaane bhar mein apni kadar dhoondhne. Naye pankh aur naya aasmaan, Aur ek oonchi si udaan! Chunotiyaan raahon mein hain khadi, Par usey ab kisi ki parwah nahi... Wo paa lega apni manzil, tum dekhna, Aur dhoondh raha hai pinjre ka maalik...ek naya parinda. Kya aap bhi aisa hi koi pinjra todne ko taiyar ho? Mujhe comment kar ke jarur btaiyega... Or meri pichhli poem "मुखौटा" padhne ke liye neeche diye gaye link par click karein: https://ehsaasbyswati.blogspot.com/2026/04/mukhota-hindi-poem....

  Namaskar doston, Aaj ke mere ye ehsaas un logon ki asliyat bayan kar rahein hain jo khud kabhi apne andar nahin jhakten, Par samne wale ki achhai se itna darte hain ki har baar unko neecha dikhane ki koshish karte rehte hain... लोग भी कमाल करते हैं, औरों से क्या सवाल करते हैं। खुद को आईना दिखाते नहीं, पर दूसरों के सामने बार-बार रखते हैं। क्रोध, लालच, मद और षड्यंत्र, सब भरा है इनके अंदर, फिर भी तारीफ अपनी हज़ार बार करते हैं। एक चेहरे ने सौ मुखौटे   पहने हैं... पर खुद पर गर्व हर बार करते हैं। सच्चे इंसान की अच्छाइयों से डर लगता है इन्हें... इसलिए उसको नज़रों से गिराने की कोशिश बार-बार करते हैं। Kya aapke aas-pas bhi mukhote hain? Comment kar ke jarur bataye... Aur meri pichhli poem, "गुज़ारिश - Ek guzarish" ko padhne ke liye neeche diye gaye link par click karein: https://ehsaasbyswati.blogspot.com/2026/04/www.ehsaasbyswati.comek-guzarish-hindi-poem.html.html?m=1 Kuch naye ehsaas likhne ki koshish mein... Aapki Swati...

Namaskaar doston, Mohabbat sirf saath rehne ka naam nahi, balki ek-doosre ki bechaini ko sukoon dene ka naam hai. 'Ek Guzarish' un ankahi baaton ke bare mein us sathi se, jo hamari khamoshi padh sakein. Mere dil se nikle kuch alfaaz, aap sabke liye...   Agar ho sake to, kabhi labon par mere muskan laana; Agar ho sake to, kabhi aankhon ki meri udaasi pehchan jaana. Agar ho sake to, kabhi bikhru jo main toot kar, to gale lagana; Agar ho sake to, kabhi bechain dil ko mere rahat pahunchana. Agar ho sake to, kabhi tanha raaton ki meri neend ban jaana; Agar ho sake to, ankahi baaton ko meri, tum sun jaana. Ho sake to... agar ho sake to... tum bas mere ho jaana... Kuch ehsaas jo bayaan hone ko tarsate hain...meri ye गुज़ारिश kaisi lagi aapko? Comment kar ke jarur btayein... Aur meri pichhli poem "Bhed-chaal: sab ke sab hi budh hain" ko padhne ke liye neeche diye link par click karein: https://ehsaasbyswati.blogspot.com/2026/04/sanskar-vs-dikhawa-hindi-poem.html?m=1 Kuch naye...

Namaskar doston, Aaj ke daur me 'sanskaar' bas ek shabd hai, aur gyan sirf show off karne ka ek tarika. Sab apne aapko 'Budh' samajhte hai, pr asal me samjhdari ab bhed chaal ka doosra naam ban chuki hai. Kabhi-kabhi sochti hoon ki kya main bhi usi bhed-chaal ka hissa toh nahi?  ​'p seudo-intellectualism' aur sanskaaron ke khoye hue mayno pr likhi meri ye nayi kavita: "sab ke sab hi Budh hain..." Zindagi mein sab sanskaron ka khel hai, Warna baatchit mein gaaliyon ka kya mel hai? Aaj ke daur mein bhala kaun shuddh hai? Hairat hai, yahan sab ke sab hi ' Budh ' hain! Murkh ko samjhayein toh kya samjhayein, Aur 'ati-samjhdar' ko kya hi batayein? Sabka apna gyan, sabki apni hi chaal hai, Ye ekkisvi sadi hai sahab... yahan sab bhed-chaal hai. Mere aaj ke ehsaas aapko kaise lgein? Comment kar ke jaroor btayein...Agar aapko bhi aisa hi lagta hai, toh ise apne doston ke saath share zaroor karein... Meri pichhli kavita (zindagi ka sabse keemti ...

Namaskar doston, Aaj mere blog 'Ehsaas' par main apni zindagi ka sabse keemti panna khol rahi hoon. Kehte hain 'janamdin' khushi ka din hota hai par mere liye ye din meri maa ki yaadon se bhara hua hain...aisi yaadein jo rulati hai, tadpati hai, zindagi ko bhari kar deti hai.... Unka pyar bayan kar pau, itne shabd nahi hai mere pass...fir bhi unke be-intehaan dulaar ko sametne ki ek chhoti si koshish hain ye meri..." Maa tu kitni achhi thi... Kbhi barsata laad tera, kabhi thodi sakhti thi... Tera wo be-intehaan dular, Pet bharne par bhi wo "bas ek roti aur" wala pyar... Paise na hone par bhi, janamdin par diye wo uphaar, Sab yaad aata hai, aur Maa... sach mein bada rulata hai. Tera wo ulte-pulte filmi gaane gaana, Humein manana, hasana aur phir humara chillana... Ki "Kya Mumma! Aaj phir galat gaana gaya hai?" Uss baat par tera wo hasna aur khilkhilana, Sab yaad aata hai, aur Maa... sach mein bada rulata hai. Vrat mein tere hathon ka wo prasad, w...